Marma den taberi kulup
Angulah lantiping ati
Rina wengi den anedya
Pandak-pandukung pambudi
Mbengkas kardaning driya
Supadya dadya utami

Pangasahe sepi samun
Away esah ing salami
Samangsa wis kawistara
Lalandhepe mingis-mingis
Pasah wukir Reksamuka
Kekes srabedaning budi

Dene awas tegesipun
Weruh waranane urip
Miwah wisesaning tunggal
Kang atunggil rina wengi
Kang mukitan ing sakarsa
Gumelar ngalam sakalir

Aywa sembrana ing kalbu
Wawasen wuwusireki
Ing kono yekti karasa
Dudu ucape pribadi
Marma den sambadeng sedya
Wewesan praptaning uwis

Simakna semanging kalbu
Den waspada ing pangeksi
Yeku dalaning kasidan
Sinuda saka sathithik
Pamothaning napsu-hawa
Linalatiha mamrih titih

Aywa mamatuh nalutuh
Tanpa tuwas tanpa kasil
Kasalibuk ing sabeda
Marma dipun ngati-ati
Urip keh rencananira
Sambekala lan kaliling

Upamane wong lumaku
Marga gawat den liwati
Lamung kurang ing pangarah
Sayekti karendhet ing ri
Apese kasandhung padhas
Babak-bundhas anemahi

Lumrah bae yen kadyeku
Atatamba yen wis bucik
Duwea kawruh sabodhang
Yen tan nartani ing kapti
Dadi kawruhe kinarya
Ngupaha kasil lan melik

Meloke yen arsa muluk
Muluk ujare lir wali
Wola-wali nora nyata
Anggepe pandhita luwih
Kaluwihane tan ana
Kabeh tandha-tandha sepi

Kawruhe mung ana wuwus
Wuwuse gumaib-baib
Kasliring thithik tan kena
Mancereng alise gathik
Apa pandhita antiga
Kang mangkono iku kaki

Mangka ta kang aran laku
Lakune ngelmu sejati
Tan dahwen pati openan
Tan panasten nora jail
Tan njuringi ing kaardan
Amung eneng mamrih ening

Kaunang ing budi luhur
Bangkit ajur ajer kaki
Yen mangkono bakal cikal
Thukul wijining utami
Nadyang bener kawruhira
Yen ana kang nyulayani

Tur kang nyulayani iku
Wus wruh yen kawruhe nempil
Nanging laire angalah
Katingala angemori
Mung ngenaki tyasing liyan
Aywa esak, aywa serik.

Yen ilapating wahyu
Yen yuwana ing salami
Marga wimbubing nugraha
Saking Heb Kang Mahasuci
Cinancang pucuking cipta
Nora ucul-ucul kaki

Mangkono ingkang tinamtu
Tanpa nugrahaning Widhi
Marma ta kulup den bisa
Mbusuki ujaring janma
Pakoleh lair batine
Iyeku budi premati

Pantes tinulad tinurut
Laladane mrih utami
Utama kembanging mulya
Kamulyaning jiwa dhiri
Ora kena yen ta ngeplekana
Lir leluhur nguni-uni

Ananing ta kudu-kudu
Sakadarira pribadi
Aywa tinggal tutuladhan
Lamun tan mangkono kaki
Yekti tuna ing tumitah
Poma kestokena kaki.

Sembah raga puniku
Pakartine wong amagang laku
Susucine asarana saking warih
Kang wus lumrah limang wektu
Waktu wataking wawaton

Ing uni-uni durung
Sinarawung wulang kang sinerung
Lagi iki bangsa kas ngetokken anggit
Mintokken kawignyanipun
Sarengate elok-elok

Thithik kaya santri Dul
Gajeg kaya santri brai kidul
Saurute Pacitan pinggir pasisir
Ewon wong kang padha nggugu
Anggere guru nyalemong

Kasusu arsa weruh
Cahyaning Hyang kinira yen karuh
Ngarep-arep kurub arsa den kurebi
Tan wruh kang mangkono iku
Akale kaliru enggon

Yen ta jaman rumuhun
Tata, titi tumrah-tumaruntun
Bangsa srengat tan winor lan laku batin
Dadi ora gawe bingung
Kang padha nembah Hyang Manon

Lire sarengat iku
Kena uga ingaran laku
Dhihin ajeg, kapindhone ataberi
Pakolehe putraningsun
Nyenyeger badan mrih kaot

Wong seger badanipun
Otot daging kulit balung sungsum
Trumah ing rah mamarah antenging ati
Antenging ati nunungku
Agruwat ruweting batos

Mangkono mungguh ingsun
Ananging ta sarehne asnapun
Beda-beda panduk panduning dumadi
Sayektine nora jumbuh
Tekad kang padha linakon

Nanging ta paksa tutur
Rehning tuwa tuwase mung catur
Mbok lumuntur lantaraning reh utami
Sing sapa temen tinemu
Nugraha geming kaprabon

Samengko sembah kalbu
Yen lumintu uga dadi laku
Laku agung kang kagungan Narapati
Patitis tetesing kawruh
Meruhi marang kang momong

Sucine tanpa banyu
Mung nyunyuda mring hardaning kalbu
Pambukane: tata, titi, ngati-ati
Atetep, taleten, atul
Tuladhan marang waspaos

Mring jatining pandulu
Panduk ing ndon dadalan satuhu
Lamun lugu legutaning reh maligi
Lagehane tumalawung
Wenganing alam kinaot

Yen wis kambah kadyeku
Sarat sareh saniskareng laku
Kalakone saka eneng, ening, eling
Ilanging rasa tumlawung
Kono adile Hyang Manon

Gagare ngunggar kayun
Tan kayungyun mring ayuning kayun
Bangsa anggit yen ginigit nora dadi
Marma den awas, den emut
Mring pamuringing lelakon

Samengko kang tinutur
Sembah katri kang sayekti katur
Mring Hyang Sukma sukmanen sari-ari
Arahen dipun kacakup
Sembah ing jiwa sutenggong

Sayekti luwih parlu
Ingaran kang tumrap bangsaning batin
Kalakuan kang tumrap bangsaning batin
Sucine lan awas emut
Mring alame lama amot

Ruktine ngangkah ngukut
Ngiket ngruket triloka kakukut
Jagad agung ginulung lan jagad cilik
Den kandel kumandel, kulup
Mring kelaping alam kono

Keleme mawa limut
Kalamutan jroning alam kanyut
Sanyatane iku kanyatan kaki
Sajatine yen tan emut
Sayekti tan bisa awor

Pamete saka luyut
Sarwa sareh saliring panganyut
Lamun yitna kayitnan kang miyatani
Tarlen mung pribadinipun
Kang katon tinonton kono

Nging aywa salah surup
Kono ana sajatining urub
Yeku urub pangarep uriping budi
Sumirat-sirat narawung
Kadya kartika katonton

Yeku wenganing kalbu
Kabukane kang wengku-winengku
Wewangkone wis kawengku neng sireku
Nging sira uga kawengku
Mring kang pindha kartika byor

Samengko ingsun tutur
Santya sembah ingkang kaping catur
Sembah rasa karasa rosing dumadi
Dadine wis tanpa tuduh
Mung kalawan kasing batos

Kalamun durung lugu
Aja pisan wani ngaku-aku
Antuk siku kang mangkono iku kaki
Kena uga wenang muluk
Kalamun wus padha melok

Meloke ujar iku
Yen wus ilang sumelanging kalbu
Amung kandel-kumandel ngandel mring takdir
Iku den awas den emut
Den memet yen arsa momot

Pamoting ujar iku
Kudu santosa ing budi teguh
Sarta sabar tawakal legaweng ati
Trima lila ambek sadu
Weruh wekasing dumados

Sabaran tindak-tanduk
Timindake lan sakadaripun
Den ngaksama kasisipaning sasami
Sumimpanga ing laku dur
Ardaning budi kang ngrodon

Dadya wruh: iya dudu
Yeku minongka pandaming kalbu
Ingkang mbuka ing kijabullah agaib
Sesengkeren kang sinerung
Dumunung telenging batos

Rasaning urip iku
Krana momor pamoring sawujud
Wujudullah sumrambah ngalam sakalir
Lir manis kalawan madu
Endi arane ing kono

Endi manis ndi madu
Yen wis bisa muksmeng pasang semu
Pasamuwaning Heb Ingkang Mahasuci
Kasikep ing tyas kacakup
Kasatmata lair batos

Ing batin tan kaliru
Kedhap kilap liniling ing kalbu
Kang minongka colok celaking Hyang Widhi
Widadaning budi sadu
Pandak-panduking liru nggon

Nggonira mamrih tulus
Kalasitaning reh kang rinuruh
Nggayanira mrih wiwah warananing gaib
Paran ta lamung tan weruh
Sasmita jatining endhog

Putih lan kuningipun
Lamun arsa titah teka mangsul
Dene nora mantra-mantra yeng ing lahir
Bisoa aliru wujud
Kadadeyane ing kono

Istingarah tan metu
Lawan istingarah tan lumebu
Dene ing njro wekasane dadi anjawi
Rasakena kang tuwayuh
Aja konsi kabesturon

Karana yen kabanjur
Kajantaka tumekeng saumur
Tanpa tuwas yen tiwasa ing dumadi
Dadi wong ina tan weruh
Dheweke den anggep dhayoh.

Angkara gung
Neng angga aggung gumulung
Gogolonganira
Triloka lekere kongsi
Yen den umbar ambabar dadi rubeda

Bada lamun
Kang sus sengsem reh ngasamun
Semune ngaksama
Sasamane bangsa sisip
Sarwa sareh saking mardi martotama

Taman limut
Durgameng tyas kang weh limput
Karem ing karamat
Karana karoban ing sih
Sihing sukma ngreda sahardi gengira

Yeku patut
Tinulad-tulad tinurut
Sapituduhira
Aja kaya jaman mangkin
Keh pra mudha mundhi diri lapal makna

Durung pecus
Kesusu kaselak besus
Amaknani lapal
Kaya sayid weton mesir
Pendak-pendhak mengendhok gunaning janma

Kang kadyeku
Kalebu wong ngaku-aku
Akale alangka
Elok jawane den mohi
Paksa ngangkah langkah met kawruh ing Mekah

Nora weruh
Rosing rasa kang rinuruh
Lumeketing angga
Anggere padha marsudi
Kana-kene kaanane nora beda

Uger lugu
Den ta mrih pralebdeng kalbu
Yen kabul kabuka
Ing drajad kajating urip
Kaya kang wus winahyeng sekar Srinata

Basa ngelmu
Mupakate lan panemu
Pasahe lan tapa
Yen satriya tanah Jawi
Kuna-kuna kang ginilut tri-prakara

Lila lamun
Kelangan nora gegetun
Trima yen kataman
Sakserik sameng dumadi
Tri legawa nalangsa srah ing Bathara

Bathara Gung
Inguger ‘graning jajantung
Jenek Hyang Wisesa
Sana pasenbedan suci
Nora kaya si mudha mudhar angkara

Nora uwus
Kareme anguwus-uwus
Uwose tan ana
Mung janjine muring-muring
Kaya buta muteng betah nganiaya

Sakeh luput
Ing angga tansah linimput
Linimpat ing sabda
Narka lan ana udani
Lumuh ala ardane ginawe gada

Durung punjul
Ing kawruh kaselak jukul
Kaseselan hawa
Cepet kapepetan pamrih
Tangeh nedya anggambuh mring Hyang Wisesa

menjauhi nafsu angkara, untuk mendidik anak-anak dengan puisi atau lagu, dibangun dengan banyak kreasi, untuk memahami ilmu yg tinggi, dan ditanah jawa ini, yang penting adalah menjalankan agama dengan benar.

Jinejer neng wedatama
Mrih tan kemba kembenganing pambudi
Mangka nadyan tuwa pikun,
Yen tan mikani rasa,
Yekti sepi asepa lir sepah samun,
Samangsane pasamuan
Gonyak ganyuk nglelingsemi

tertulis di wedhatama, janganlah salah paham, meskipun tua dalam umur, kalau tidak memiliki rasa, sebenarnya tak berasa seperti sampah, didalam pertemuan, akan kikuk dan memalukan

Nggugu karsane priyangga,
Nora nganggo peparah lamun angling,
Lumuh ingaran balilu,
Uger guru aleman,
Nanging janma ingkang wus waspadeng semu
Sinamun ing samudana,
Sesadon ingadu manis.

menuruti kemauan sendiri, berbicara tanpa pertimbangan, tidak mau dikatakan bodoh, dan selalu ingin dipuji, tetapi orang yg bijak dan pandai, akan selalu menyembunyikan kepandaian, dibungkus dalam sikap dan perilaku yg baik

Si pengung ora nglegewa,
Sangsayarda denira cacariwis,
Ngandhar-andhar angendhukur,
Kandane nora kaprah
Saya elok alangka longkanganipun,
Si wasis waskita ngalah,
Ngalingi marang si pengung

orang bodoh tidak pernah menyadari, semakin dia banyak bicara, dengan omongan-omongannta yang tinggi, kata-katanya akan semakin ngawur, tetapi orang pandai akan lebih mengalah, dan melindungi si bodoh.

Mangkono ngelmu kang nyata,
Sanyatane mung weh reseping ati,
Bungah ingaran cubluk,
Sukeng tyas yen denina,
Nora kaya si punggung anggung gumrunggung
Ugungan sadina dina
Aja mangkono wong urip

begitulah ilmu yang benar, membuat damai di hati, tetap gembira dibilang bodoh, tetap senang meskipun dihina, tidak seperti si bodoh yg selalu omong besar, dan sombong setiap hari, jangalah begitu orang hidup

Uripe sepisan rusak
Nora mulur nalare ting saluwir
Kadi ta guwa kang sirung
Sinerang ing maruta
Gumarenggeng anggereng anggung gumrunggung
Pindha padhane si mudha
Pradene peksa kumaki

hidup yang sekali saja rusak, tidak berkembang pikiranya bercabang, seperti gua gelap dan menyeramkan, jika terkena tiupan angin, akan bergema dan bergemuruh, seperti itulah anaka muda, meski demikian tetap saja merasa sombong

Kikisane mung sapala,
Palayune ngendelken yayah wibi
Bangkit tur bangsane luhur,
Lha iya ingkang rama,
Balik sira sarawungan wae durung
Mring atine tata karma,
Nggon anggon agama suci

motivasinya cuma kecil, hanya mengandalkan orang tuanya, yg kaya dan berpangkat, lha..memang itu bapakmu, tetapi kembali ke dirimu..bergaul saja belum, belum mengerti tata krama dan cara menjalankan agama yang suci

Socaning jiwangganira,
Jer katara lamun pocapan pasthi
Lumuh asor kudu unggul,
Semengah sesongaran,
Yen mengkono kena ingaran katungkul
Karem ing reh kaparawiran
Nora enak iku kaki

gambaran jiwamu, akan terlihat dari tutur kata, tidak mau mengalah maunya menang sendiri, senang menyombongkan diri, jika demikian bisa dibilang terlena, suka ribut..gak baik itu nak!

Kekerane ngelmu karang,
Kekarangan saking bangsaning gaib,
Iku boreh paminipun,
Tan rumasuk ing jasad,
Amung aneng sajabaning daging kulup,
Yen kapengkok pancabaya,
Ubayane mbalenjani.

didalam ilmu karang, yg dikarang oleh bangsa gaib, itu hanya ibarat bedak, tidak merasuk kedalam badan, hanya ada diluar daging..nak, jika terkena marabahaya, tidak bisa diandalkan

Marma ing sabisa bisa,
Bebasane muriha tyas basuki,
Puruita kang patut,
Lan traping angganira,
Ana uga angger ugering kaprabun,
Abon aboning panembah,
Kang kambah ing siyang ratri.

untuk itulah sebisanya kamu, untuk membersihkan hati, belajar hal yg benar, sesuai kemampuan, ada juga aturan negara, tempat kamu mengabdi, yg dilalui siang dan malam

Iku kaki takokena,
Marang para sarjana kang martapi
Mring tapaking tepa tulus,
Kawawa nahen hawa,
Wruhanira mungguh sanyataing ngelmu
Tan mesthi neng janma wredha
Tuwin mudha sudra kaki.

maka dari itu bertanyalah, kepada orang2 yg pandai dan bijak, untuk mengikuti jejak, agar bisa menahan hawa nafsu, ketahuilah sebenarnya ilmu itu, tidak hanya pada orang tua, tetapi juga orang muda dan rakyat jelata

Sapantuk wahyuning Allah,
Gya dumilah mangulah ngelmu bangkit,
Bangkit mikat reh mangukut,
Kukutaning jiwangga,
Yen mangkono kena sinebut wong sepuh
Lire sepuh sepi hawa,
Awas roroning atunggil

orang yg mendapat wahyu allah, yg memahami dan menguasai ilmu, menguasai dengan sempurna, sa,pai kedalam jiwa, orang yg demikan bisa disebut ‘orang tua’, artinya bijak dan menjauhi hawa nafsu, mengerti tentang dwi tunggal Tuhan.

Tan samara pamoring sukma,
Sinuksmaya winahya ing ngasepi,
Sinimpen telenging kalbu,
Pambukaning warana,
Tarlen saking liyep layaping aluyup
Pindha pesating sumpena,
Sumusuping rasa jati

jangan cemaskan tentang sukma, menghayati dan membuktikan didalam keheningan, yg disimpan didalam batin, sebuah gerbang pembuka, dari suasana hening dan sayup, seperti sebuah mimpi, merasuk dalam rasa batin

Sejatine kang mangkana,
Wis kaenan nugrahaning Hyang Widhi,
Bali alaming asuwung,
Tan karem karameyan,
Ingkang sipat wisesa winisesa wus,
Mulih mula mulanira,
Mulane wong anom sami.

sebenarnya situasi itu, sudah mendapat anugrah Tuhan, kembali ke alam hening, tidak senang dalam keramaian, yg bersifat kuasa-menguasai, kembali ke alam asal, tempat orang muda berasal

contohlah laku utama, bagi orang Jawa, orang besar dari Ngeksiganda(mataram), panembahan senapati, yang tekun, mengurangi hawa nafsu, dengan jalan prihatin, serta siang malam selalu menyenangkan hati orang lain.

Samangsane pasamuan,
Mamangun marta martani,
Sinambi ing saben mangsa,
kala kalaning asepi,
Lelana teki-teki,
Nggayuh geyonganing kayun,
Kayungyun eninging tyas,
Sanityasa pinrihatin,
Puguh panggah cegah dhahar lawan nendra

dalam setiap pergaulan, menjaga kebahagiaan lahir batin dengan tenang dan sabar, pada setiap kesempatan, disaat longgar, mengembara dan bertapa, mencapai cita-cita hati, terpesona akan suasana hening, hati senantiasa dibuat prihatin, selalu berpegang teguh, mengurangi makan dan tidur

Saben mendra saking wisma,
Lelana laladan sepi,
Ngingsep sepuhing supana,
Mrih pana pranawang kapti,
Tis tising tyas marsudi,
Mardawaning budya tulus,
Mesu reh kasudarman,
Neng tepining jala nidhi,
Sruning brata kataman wahyu dyatmika

setiap pergi meninggalkan istana, berkelana ke tempat yang sunyi, menghirup berbagai ilmu, agar tercapai yg dituju, maksud hati ingin mencapai, kelembutan hati yang utama,mengerahkan kemampuannya dalam menghayati cinta kasih, ditepi samudera, mendapatkan anugerah illahi.

Wikan wikoning samodra,
kederan wus den ideri,
kinemat kamot hing driya,
Rinegan segegem dadi,
Dumadya angratoni,
Nenggih Kanjeng Ratu Kidul,
Ndedel nggayuh gegaana,
Umara marak maripih,
Sor prabawa lan wong agung Ngeksiganda

memahami kekuasaan samudra, semuanya sudah dilalui, dirasakan dan mengendap dalam sanubari, ibaratnya digenggam dalam satu genggaman, sehingga terkuasai, tersebutlah Kanjeng Ratu Kidul, naik ke angkasa, datang menghadap dengan hormat, kalah wibawa dengan sang raja mataram.

Dahat denira aminta,
Sinupeket pangkat kanthi,
Jroning alam palimunan,
Ing pasaban saben sepi,
Sumanggem anyanggemi,
Ing karsa kang wus tinamtu,
Pamrihe mung aminta,
Supangate teki-teki,
Nora ketang teken janggut suku jaja

memohon dengan sangat, agar dekat dan dijadikan sebagai pengikut, didalam alam gaib, pada waktu berkelana di alam hening, siap menyanggupi, kehendak yg sudah ditentukan, harapanya hanyaalah minta restu dlm bertapa, tidak peduli meskipun susah payah

Prajanjine abipraya,
saturun turuning wuri,
mengkono trahing ngawirya,
yen amasah mesu budi,
dumadya glis dumugi,
iya ing sakarsanipun,
wong agung ing Ngeksiganda,
nugrahane prapteng mangkin,
Trah tumerah dharahe padha wibawa.

janji yang bertujuan baik untuk anak cucu kelak, begitulah manusia luhur, bila mempertajam hati, akhirnya kesampaian, apa yang diinginkannya orang besar dari mataram, anugerahnya hingga sekarang, seluruh anak cucu berwibawa

Ambawani tanah jawa,
kang padha jumeneng aji,
Satriya dibya sumbaga,
tan liyan trahing senopati,
pan iku pantes ugi,
tinelad labetanipun,
ing sakuwasanira,
enake lan jaman mangkin,
sayektine tan bisa ngepleki kuna

menguasai tanah jawa/nusantara, yang menjadi raja, satria luhur, tak lain keturunan senopati, pantas menjadi teladan, disesuaikan kemampuan, disesuaikan jaman, tentunya tidak sama persis seperti jamaan dulu

Lowung kalamun tinimbang,
ngaurip tanpa prihatin,
nanging ta ing jaman mangkya,
pra mudha kang den karemi,
manulad nelad nabi,
nayakengrat Gusti Rasul,
anggung ginawe umbag,
saben seba mampir masjid,
ngajab-ajab mukjijat tibaning drajat

masih lumayan bila dibanding, orang hidup jaman prihatin, tetapi di masa kini, yg digemari anak muda, meniru-niru nabi, utusan Tuhan yaitu Rasul, yg hanya dipakai untuk sombong-sombongan, setiap akan bekerja singgah dulu ke masjid, mengharap mukjizat agar naik derajat (pangkat).

Anggung anggubel sarengat,
saringane tan den wruhi,
dalil dalaning ijemak,
kiyase ora mikani,
ketungkul mungkul sami,
bengkrakan ing masjid agung,
kalamun maca kutbah,
lelagone dandanggendhis,
swara arum ngumandhang cengkok palaran

hanya memahami kulitnya saja, tetapi intinya tidak dikuasai, pengetahuan tentang tafsir dan aturan-aturannnya, serta suri teladan, tidak diketahui, mereka hanya terlena, over acting ke masjid agung, bila sedang membaca kutbah, berirama dandanggula, serta merdu bergema gaya palaran.

Lamun sira paksa nulad,
tuladhaning kanjeng nabi,
oo ngger kadohan panjangkah,
wateke tan betah kaki,
rehne ta sira jawi,
sathithik bae wis cukup,
aywa guru aleman,
nelad kas ngepleki pekih,
lamun pengkuh pangangkah yekti karahmat

bila kamu bertekad mencontoh, tindak tanduk kaanjeng nabi, ooo nak itu terlalu muluk namanya, biasanya tidak akan mampu, karena kamu itu orang jawa, sedikit saja sudah cukup, jangan hanya mencari pujian, bersemangat meniru fakih, apabila mampu, memang ada harapan mendapatkan rahmat.

Nanging enak ngupa boga,
rehne ta tinitah langip,
apata suwiteng nata,
tani tanapi agrami,
mangkono mungguh mami,
padune wong dahat cubluk,
durung weruh cara arab,
jawaju bae tan ngenting,
parandene paripeksa mulang putra

tetapi sebaiknya mencari nafkah, karena dititahkan sbg makhluk lemah, mengabdi raja, bertani atau dagang, begitu menurut pendapatku, ini karena aku org bodoh, belum faham cara arab, sedangkan pengetahuan jawa saja tidak mememadai, namun memaksakan diri mendidik anak

saking duk maksih taruna,
sadhela wus anglakoni,
aberag marang agama,
maguru anggering kaji,
sawadine tyas mami,
banget wedine ing mbesuk,
pranatan akhir jaman,
tan tutug kaselak ngabdi,
nora kober sembahyang gya tinimbalan

karena sewaktu muda, sebenarnya pernah mengalami, belajar agama, berguru sesuai aturan haji, sesungguhnya direlung hatiku, sangat takut akan hari esok, menghadapi akhir hayat, belum selesai berguru, terhenti karena mengabdi, tidak sempat sembahyang, lalu dipanggil menghadap.

mrang ingkang asung pangan,
yen kesuwen den dukani,
abubrah bawur tyasing wang,
lir kiyamat saben ari,
bot Allah apa Gusti,
tambuh tambuh solah ingsun,
lawas lawas nggrahita,
rehne ta suta priyayi,
yen mamriha dadi kaum temah nistha.

oleh yang memberi nafkah, bila terlambat dimarahi, rusak dan bingung hatiku, bak kiamat setiap hari, berat agama atau majikan, ragu-ragu dalam tindakan, lama-lama terpikir, krn sebagai anak bangsawan, tidak pada tempatnya jika ingin menjadi juru doa

tuwin ketip suragama,
pan ingsun ora winaris,
anggur baya ngantepana,
pranatan wajibing urip,
lampahan angluluri,
kuna kumunananira,
kongsi tumekeng samangkin,
kikisane tan lyan amung ngupa boga

atau ingin menjadi khatib, hal itu bukan bidang saya, lebih baik berpegang teguh, tata aturan kehidupan, menjalankan dan mengikuti jejak para leluhur, jaman dahulu hingga kini, yang pada akhirnya tak lain mencari nafkah

onggan kang tan merlokena,
mungguh ugering ngaurip,
uripe lan tripakara,
wirya arta tri winasis,
kalamun kongsi sepi,
saka wilangan tetelu,
telas tilasing janma,
aji godhong jati aking,
temah papa papariman ngulandara

salahnya sendiri yang tidak peduli, terhadap landasan penghidupan, hidup berlandaskan tiga hal, keluhuran kesejahteraan dan ilmu pengetahuan, bila tidak memiliki salah satunya, habislah arti sebagai manusia, lebih berharga daun jati kering, akhirnya menderita menjadi pengemis dan gelandangan

kang wus waspada ing patrap,
mangayut ayat winasis,
wasana wosing jiwangga,
melok tanpa aling-aling,
kang ngalingi kalingling,
wenganipun rasa tumlawung,
keksi saliring jaman,
angelangut tanpa tepi,
yeku aran tapa tapaking hyang sukma

yang sudah tahu cara menghayati aturan bijaksana, akhir dari inti pribadinya, terlihat nyata tanpa penghalang, yang menghalangi tersingkir, terbukalah rasa sayup-sayup sampai, terlihatlah segala keadaan, tampak tak berbatas, itulah yg disebut mendapat bimbingan Tuhan

mangkono janma utama,
tuman tumanem ing sepi,
ing saben rikala mangsa,
masah anemasuh budi,
laire anetepi,
ing reh kasatriyanipun,
susila anoraga,
wignya met tyasing sesami,
yeku aran wong barek berag agama

begitulah manusia sejati, gemar membiasakan diri di alam sepi, pada saat tertentu, mempertajam membersihkan jiwa, caranya dengan berpegang pada kedudukannya sebagai ksatria, bertindak baik dan rendah hati, pandai bergaul, pandai memikat hati, itulah orang yg disebut menghayati/menjalankan agama

ing jaman mengko pan ora,
arahe para taruni,
yen antuk tuduh kang nyata,
nora pisan den lakoni,
banjur njujur ken kapti,
kakekne arsa winuruk,
ngandelke gurunira,
pandhitane prasaja sidik,
tur wus manggon pamucunge mring makripat

dijaman skrg tidak demikian, sikap anak muda, apabila mendapat petunjuk nyata, tidak pernah dijalankan, lalu menuruti kehendak hati, kakeknya saja mau diberi pelajaran, mengandalkan gurunya seorang pandita negara yg pandai, dan sudah menguasai ilmu makrifat